പ്രണയം കളറാക്കി ദുഷ്യന്തനും ശകുന്തളയും; ഒരു പ്രീ വെഡ്‌ഡിങ് ഷൂട്ട്

കായംകുളം സ്വദേശിയായ ജിനുവും തിരുവനന്തപുരം സ്വദേശി ആരതിയുമാണ് പ്രീ വെഡ്‌ഡിങ് ഷൂട്ട് ഗംഭീരമാക്കിയത്. പുരാണ കഥാപാത്രങ്ങളായ ദുഷ്യന്തനും ശകുന്തളയുമായാണ് ജിനുവും ആരതിയും ചിത്രങ്ങളിൽ തിളങ്ങുന്നത്. രാജാവിന്റെയും മുനികുമാരിയുടെയും വേഷത്തിലാണ് വധൂവരന്മാർ. കാലിൽ മുള്ളു കൊള്ളുന്നതും ദുഷ്യന്തന് വെള്ളം നൽകുന്നതും പ്രണയം പൊട്ടിവിടരുന്നതുമായ ദൃശ്യങ്ങളാണ് ചിത്രീകരിച്ചിരിക്കുന്നത്.

തിരുവനന്തപുരത്തെ കരമനയാറിന്റെ തീരമാണ് ഫോട്ടോഷൂട്ടിന്റെ ലൊക്കേഷൻ. ശാകുന്തളം എന്ന പേരിൽ വധൂവരന്മാരുടെ സേവ് ദ് ഡേറ്റ് വിഡിയോയും ഒരുക്കിയിട്ടുണ്ട്. കാനഡയിൽ സിവിൽ എഞ്ചിനീയറാണ് ഫോട്ടോഷൂട്ടിലെ നായകനും വരനുമായ ജിനു. അതിമനോഹരമായ ഈ പ്രീവെഡ്ഡിങ് ഷൂട്ട് സമൂഹ മാധ്യമങ്ങളിൽ വൈറലാവുകയാണ്

എറണാകുളത്തെ ഹരിപ്പാട് കേന്ദ്രമായി പ്രവർത്തിക്കുന്ന ഹാഗി ആഡ്സ് കമ്പനിക്കു വേണ്ടി അജിത് ചവറയാണ് ചിത്രങ്ങൾ പകർത്തിയത്.